Fuɗi hannde haa ɓalɗe nogaas e jeetati nduu lewru, batu COP17 ngam haɓaade yooro e ŋakkeende fayfayru/ngolu leydi ina yuɓɓinee to leydi Mongoli. Ɗoo e Senegal, waylo waylooji baaɗi nii ina teska Diohine, saare sereraaɓe wonunde Fatick. Ko ɓuri yimɓe ujunnaaje ɗiɗo ina koɗi e mayre. Diohine ko nokku ɗo ndema jogii darnde tiiɗnde e nguurndam renndo ngoo. Kono no duuɓi ɗii njaarata nih, ngol remugol kewngol ina waɗa battane e fayfayru leydi maɓɓe.
Saare Diohine, diiwaan Fatick © rfi fulfulde/Habib Diao
Caggal nde ɓe teski ngoo waylo waylo, hoɗɓe tundu Diohine artiri aada mo mawɓe maɓɓe mbaɗanno, woni fooftingol leydi e nder dumunna. Faandaare ndee feere ko wuurtingol leydi ndi. Keɗoɗen jantoore nde Habib Diao waɗani en e ndee saare
