Senegalnaaɓe ana noddanoo alat keeŋa ngam suɓaade hooreejo maɓɓe keso e duuɓi joyi ngarooji ɗiin. Ɓiɓɓe leydi ndii njalti e keewal suɓaade lomto Makki SAL. Cuuɗi suɓorɗi ɗii uddii yamnde sappo e jeetati, caɗeele kewɗe taskaaka e yuɓingol woote ɗee. Caggal uddugol cuuɗi gootirɗi ɗii, limoore wootuɓe fuɗɗii yaltude, e ko nantinaako hanki, ana hollii wonnde ko Bashiir Jomaay Faay kandidaajo lunndiiɗo laamu nguu ana woni yeso. Goomu kalfinaangu alhaali woote ɗee, dokkaali jaabu arano e ɗee woote tafon. Yimɓe jinngonooɓe Bashiir Jomaay Faay njalti e keewal ngam waɗude pijooji e dammbungal fedde makko wonnde « Familiarité 4 ». Minaati JALLO
Saakitaama ñannde : 25/03/2024 – 12:01
Wonanɓe Basiiru Jomay Faay nder Dakar, 24 lewru 3ɓuru 2024. AP – Mosa’ab Elshamy
