Senegal e haalullaaji jowtiiɗi e ñalawma mo heewɓe njahaani golle caggal Magal Touba oo ina njokki. Ko ina abboo e 90 e nder teemedere kala gollooɓe nder gollorɗe laamu nguu njahaani golloyde oon altine. ko ɗum holli jaagorɗo kalfinaaɗo njuɓɓudi golle laamu Senegal. Gollooɓe 179, keɓii gila oon ñalawma yamiroore anndinde holko saabi ngollaani e oon altine. Jaagorɗo oo noon, holli wonnde ngal ɗoon namndal firtaani woonde kuuge pawete e ɓeen, kono ko alaa e sago ngal waɗe sabu ko ɗuum ɗooftii sarɗiiji golle. Kono noon daraniiɓe gollooɓe ɓee walla mbiyen bouteur daraniiɗe hakkeeji gollooɓe ɓee njiyraani ɗum noon. Ɓee njoɗnaani darnde jaagorɗo oo. Boly BA
Saakitaama ñannde : 07/08/2026 – 11:27
1 mintj Beru minittaaji janngataa ɗun
diɗɗal yimɓe to Touba, e sahaa Maggal L.Correau / RFI (archives)
