samedi 20 avril 2024
pulaar
    AccueilPulaarAfrikÑallal ɗiɗaɓal jonnde ardiiɓe koneeli leyɗe CEDEAO ko yowitii e alhaali neldugol...

    Ñallal ɗiɗaɓal jonnde ardiiɓe koneeli leyɗe CEDEAO ko yowitii e alhaali neldugol konu doole Niijeer




    Hannde ardiiɓe koneeli leyɗe CEDEAO jokkay jonnde nde ɓe fuɗɗii e alkamisa hanki to Beignet laamorgo Gana. Gila hanki, ɓen ardiiɓe koneeli cedeao e woɓɓe e hooreeɓe leyɗe Dental ngal tinntinii neldugol/imminngol konu to Ñamey ngam jonitude laamu ngun Mohammed Bazum. Ka fuɗɗagol tumnbondira, ɓe andinno sabu ngal pellital maɓɓe. Abdullay JALLO 
    Saakitaama ñannde : 18/08/2023 – 15:35

    1 mintj

    Jewte ɗen jokkay hannde hakkunde ardiiɓe koneeli dental leyɗe hirnaange Afrik to Beignet. Toɓɓere wootere e ɗen jeewte, honno koneeli leyɗe Cedeao naɓirtee Niijeer. Ardiiɓe ɗii koneeli andinii wonde konunkooɓe naɓete Ñamey si tawii ciwliiɓe laamu ngun jaɓaali ngu jonitude. Hay si tawi ɓe andinaali tawo ñalaande nden.Hanki ka fuɗoode ndee jonnde ardiiɗo konu Najeriya Christopher Gwabin Musa andini ko demokrasi hitti ɓe e ko ɗum ɓe daranii. E ɓi’ol makko leyɗe cedeao no foti nanondirde ɓe faamondira no ɓe darnira fedde waawunde safrude caɗeele goɗɗe. Wano makko mo Gana on kadi andintinii darnde konu Cedeao to Sarlon, Liberiya haa Gambiya e poolgal ngal ngu eɓɓi e ɗen golle.E banŋe goɗɗo e halfinaaɗo geɗe dawro e nder cedeao Abdel Fatau Musah hollitii kanko wonde hiɓe andi battane e caɗeele ko ɗum waawi addude. Kono e wi’i makko ndee jonnde ko wonaa e yewteede ko hondetuma e honno konnunkooɓe fedde leyɗe Afrik hirnaange nuletee e ndin leydi. Ko faati e tiindondiral hakkude maɓɓe e Mali e Burkina leyɗe eɓɓuɗe jingande Niijeer Abdel Fatau Musah wi’i ɗen leyɗe andaa fii keeri hakkunde maɓɓe e Niijeer saɓu e ɓi’ol  halfinaaɗo geɗe dawro e nder cedeao ko kuliyankooɓe ɓe goomu Etat Islamik e Jnim andani fii ɗin keeri. Goɗɗun ko teskaa, ardiiɓe koneeli Gine Bisawo e Kap weer tawaaka e ndee jonnde.



    Préliminaire link

    Related articles

    LAISSER UN COMMENTAIRE

    S'il vous plaît entrez votre commentaire!
    S'il vous plaît entrez votre nom ici

    Rester connecté

    0FansJ'aime
    0SuiveursSuivre
    3,912SuiveursSuivre
    0AbonnésS'abonner

    Télcharger l'application Radio Dingiral Fulbe

    spot_img

    Derniers articles