Alarba ñannde 23, 9ɓuru, hiɗen yewta fii ngal pellital politik Donald Trump yaltinngol ɗanniyankooɓe ɓe alaa kaydi jooɗiiɓe Amerik. Tefoore nde RFI e mejaaji goɗɗi waɗi e dow alhaali yimɓe wonaaɓe e riiweede Amerik, no holli wonnde gila Donald Trump arti e laamu, ko ɓuri yimɓe ujune 25 yaltinaama e nder leydi ndii, Heewɓe e maɓɓe nawraama e hoore doole e leyɗe woɗɗitiiɗe leyɗe maɓɓe. Ndee tefoore no anndini no Donald Trump woni e huutorde leyɗe goɗɗe wonndude e truelle adunayankooje ngam yaltingol ɗanniiyankooɓe e nder Etats Unis. Hino jeyaa e leyɗe siifuduɗe e laamu Amerik aadodal ngam jaɓɓagol wonaaɓe e riiweede Amerik sabu gonal maɓɓe ton doftaaki sayira, Sierra Leone, Liberia, Ghana, Cameroun, Centrafrik…. Ko holno ñaawirɗon ko ɗee leyɗeele siifidi e Washington aadodal ngam jaɓɓade ɗanniiɓe riiwaaɓe Amerik?
New York, ñannde 24 7ɓuru 2025 : konunkooɓe ICE no nanngi gorko caggal nde ñaawoore makko huuɓi. [natal yeru] © Spencer Platt / GettyImages / AFP
Hiɗon waawi neldude men lamndal ngal yiɗuɗon yo men jaabo e guurol. Okkee miijo mon e ndee toɓɓere ka tongoode watshapp : 00221766441280.Heɗee jeewte paradoxe fow ka kelle paradoxe Facebook e Twitter: RFI FULFULDEOn Tottaama Konngol ko ñalaande kala gila njamndi 13:15 faa 13:30 (GMT).
Golle :
Fatoumata SY SAVANE
