Altine 3 lewru 8ɓuru hiɗen yeewta hannde ko yowiti e alhaali ɗanniyankooɓe naatuɓe yontere faltiinde Ceuta keerol hakkunde Maroc e Espagne, heewɓe e ɗanniiɓe ɓee yiltaa kadi Maroc. Ko Goo on nii wano ndee limoore ɗanniyankooɓe no yaltida Maroc faade e Espagne. Balɗe nayi caggal nde caɗeele immorde e nguu fergu taskaa ka keerol Espagne, laamu Maroc, ñinaagu sabu deƴƴere mun gila alhaali oo fuɗɗi, ƴetti konngol hanki e alat.
Ɗanniyankooɓe to keerol Maroc Espagne REUTERS – Fabian Bimmer
E bi’ol maɓɓe, ko ujune 40 yimɓe rewri laawol ndiyam lummbude keerol ngol. ko 11 e maɓɓe maayi. Kono Espagne no holli kamɓe wonndema ko yimɓe 72 maayi. Fedde Maroc daraniinde hakke neɗɗanke (AMDH) fellitii udditugol tefoore e ɗow oo alhaali mo ɓe holli kamɓe wonnde ko yimɓe 130 maayi e nder mun.
Golle :
Fatoumata SY SAVANE
