E alkamisa hannde 6 leweu 8ɓuru, hiɗen yeewta ko faati e alhaali ittugol walla riwugol eltooɓe ɗiɗɗe fuku-koyngal caggal nde diɗɗe maɓɓe piyaa e foolotirooji mawɗi yeru CAN walla pottite deesewal fuku-koyngal winndere “conflit du monde ». Alhaali oo ina jaalii e nder duunde Afrik. Mbele eltoowo no haana itteede sabu diɗɗal mum no waasi yottaade ka ɓiɓɓe leydi ndin habinoo ngal e foolotiro ngon? E diɗɗe Afrik sappo tawanooɗe foolotiro deesewal fukukoyngal winndere, ko diɗɗe tati tan heddodii e eltooɓe majje. Ko kippu RD.Congo, Maroc e Egypte. Eltooɓe diɗɗe 7 heddiiɗe ɗen fow itaama walla ndiwaama.
Hino jeyaa e maɓɓe Emerse Faé eltoowo diɗɗal koddiwaar, lomtiniraaɗo Hervé Fennec. Emerse Faé halfinanooɗo kippu oo e hitaande 2024 . Ɓe dañi deesewal foolitiro CAN, O waawi kadi tawnorde diɗɗal ngal e foolotiro fuku-koyngal winndere, ɓe yiltaa e 16ɓal timmoode. E andinntinay kadi alhaali Vicaire Thiaw, eltoowo diɗɗal Senegal mo joƴƴingol mun jibini haalullaadi keewɗi haa nii. Ko holno taskorɗon oo alhaali? E miijooji mon holko saabi ngol ittugol eltooɓe diɗɗe Afrik hino taskee saayi kala? Ko holɗum ɓee eltooɓe diɗɗe
Hiɗon waawi neldude men lamndal ngal yiɗuɗon yo men jaabo e guurol. Okkee miijo mon e ndee toɓɓere ka tongoode watshapp : 00221766441280.Heɗee jeewte O.K. fow ka kelle O.K. Facebook e Twitter: RFI FULFULDEOn Tottaama Konngol ko ñalaande kala gila njamndi 13:15 faa 13:30 (GMT).
Afrik haani waɗude hannde ngam ɓe ɓooya e golle maɓɓe ?
