Gine, hooreeɓe leydi ndii uddii mejaaje ɗuuɗuɗe. Ɗin ko FIM FM, Reculé TV e Djoma TV. Ɗee mejaaje fow ko heeriiɗe (ɗe wonaa-luaamuyankooje). Guwerneman Gine no tuumi ɗe wasde teddinnde sariyaaji jaayndeyankaagal wonndude e yaɓɓitugol golle laamu e nder leydi ndii.Kono senndika jaayndeyankooɓe no yeddi ɗee tuume. Ngal pellital ɓamaama caggal lebbi ɗi laamu Gine toŋi ndimaagu konngol e nder leydi ndin. Koɗo men hannde ko Jaaray Jallo, ardiiɗo fedde daraniinde hakkeeji mejaaje no wi’ee APAC. Himo jaaboo lamnde Ibrahiima Timmbi Bah
Jaaraay JALLO, hooreejo fedde jaandeyankooɓe APAC Gine © Diaraye DIALLO