Caggal jamma ɗiɗaɓo jaggondiral to Dépêche Caledonie, lunndiyankooɓe ɓe nana keñoro laamu ngu ngam ngal diiwal wona e njiimaandi konunkooɓe walla joyɗe jam njeye hen ngam riiwtude ɗee caɗeele. Baylugol doosgal paatungal e udditgol ɗereeji gootirɗi ɗi woni sabaabu ngal luural. Ngal ngannduɗa yimɓe ɗiɗo maayi hen, temeɗɗe yimɓe nawniima.
Saakitaama ñannde : 15/05/2024 – 20:48
1 mintj
Dille mbaɗi e hoore laamu. Emmanuel Macron noddi hannde subaka jonnde ndeenka e kisal yowitiinde e sifa gonɗo to nokkuure wi’eteende Bloc. To ngannduɗa ufnere jamma waɗaande to Noumea jippinaani fitinaaji ɗi. hooreejo leydi ndi wayli njuɓɓudi golle ɗe hebluno waɗde. Ko wayno Dirtingol jonnde jaagorɗe haa kikiiɗe, kaaytugol jahal makko to Normandie to fonno uddidde clôturé gooto. Addi ngal luural ko baylugol ɗereeji woote diiwaniire. Laamu ngu ene jaggiri ɗum ko huunde haande kono ɓe yiɗɓe heɓde jeytaare mum en wi’eteeɓe independantistes kanaks njadaani hen sabu hulde famɗitineede e ngo wertaango. ɗii fitinaaji puɗɗi ko altine kono haɗaani sarɗiyankooɓe ɓe wootde ɗe eɓɓoore sariya jamma talaata fayi alarba. Kono ko suudu sarɗiiji ndu e Senat o haani timmitinde ɗee woote. Hade ɗum fitinaaji ɗi nguli haa yimɓe ɗiɗo maayi hen. temeɗɗe ngañiima. Hade pellitte kese, laamu ngu nantini ɓeydugol koninkooɓe ɓe e on diwan. Kono lunndo ñaamo ngo yonaaka ɗum, republikain en naamndiima yoo diwal ngal waɗde juuɗe konu ngu. Nanon ngo e baŋŋe mum, socialist en mbaɗi ciimtol ngam naamnaade kaaytugol nde eɓɓoore sariya. Lanndaaji mawɗi daraniiɗi jeytaare bruit caledonie e ɓe wi’eteeɓe non independantiste en eeriima ɓesnguuji ɗi nde ngartata e deeƴere.
