Hannde e altine ñannde 22 lewru 1ɓuru 2024 ka taskaram men On Tottaama Konngol, en yewti ko faati e alhaali dawro Senegaal. Doggol taweteeɓe e suɓngooji hooreyaaku Senegaal happaaɗi ñannde 25, 2ɓuru hitaande ndee lollinaama e asewe yawtuɗo. Ko kandidaaɓe 20yo ɓe rewɓe ɗiɗo tawaa e muuɗum woni ko wootantee fii lomtagol Makki SALL e ardagol leydi ndin. Kono innde lumndiyankooɓe ɗiɗo, Usmaan Sonko e Kariim Waad alaa e ngol doggol kandidaaɓe ngol suudu neenirdu doosngal Senegaal lollini. Ɗum no holli wonnde ɓe tawataake e suɓeteeɓe ɓee. Ko holno yiiruɗon ngol ronkugol taweede ɓee lunndiyankooɓe ɗiɗo e suɓngooji hooreyaku Senegaal?Taw si oo alhaali no ŋalɗini on kaa ko ko habbinoɗon? Fii kala hari Kariim Waad, ɓii Abdullaay Waad hooreejo kiɗɗo Senegaal, yaafaama jukkoore nde o fawanoo, sabu ko o halori jawdi ndi o jeyaa, kono e bi’ol suudu ñaawirdu mawdu Senegaal, sariya newnanaa mo wonugol kanndidaajo sabu himo jogii haa ni kaydi jibinande leydi Faransi, Ko o bii Faransinaajo. huunde nde Kariim Waad yeddi.
Kariim Waad, ɓiɗɗo Abdulaay Waad, hooreejo senegaal kiɗɗo AFP PHOTO / GEORGES GOBET
Hiɗon waawi neldude men lamndal ngal yiɗuɗon yo men jaabo e guurol. Okkee miijo mon e ndee toɓɓere ka tongoode watshapp : 00221766441280.Heɗee jeewte O.K. fow ka kelle O.K. Facebook e Twitter: RFI FULFULDEOn Tottaama Konngol ko ñalaande kala gila njamndi 13:15 faa 13:30 (GMT).
