Balɗe seeɗa caggal nde Burkina Faso dartini jokkondiral hakkunde mum e Faransi, nananti kesi layii sanne e dow mejaaje renndo. Nananti wi’uɗi wonnde Mali kañum kadi raddinii ammabsaderjo Faransi wonɗo on to leydi maɓɓe. E bi’ol saakuɓe ɓen, ardiiɓe Mali okkii mo yamɗe 72 fii yo yaltu e leydi ndin. Oo kabaaru mo goongaa addii haalullaare mawnde e kadi o saakitaama sanne e dow Facebook e TikTok, e dinngire goɗɗe. Ko holno ɗum sifori, ko honɗum holli ko fenaande e kohomɓe woni saakitude ɗum ? Tijjaani Maalun BARI tefii e dow ndee toɓɓere.
Ko holno ɗee kumpite pene weyniraa e dow ɗee mejaaje renndo ? Ko e dow mbaadiiji sertuɗi ɗum weynaa. Yoga e caakanɗe no wi’i wonnde guwerneman Mali ƴamii yo ammbasarderjo Faransi oo yaltu e nder yamɗe 72. Caakanɗe goɗɗe no holla dipolomaatjo no yalta e nder ammbasaad, otowal mawngal no darii sera. Raaya Faransi no notaa e mahdi galle ɗen. Binndi no takkidaa e ngal originaire. Woɓɓe no winndi wi’i: “ kammu ngun fettii” woɓɓe kadi no winndi e hoore maggal wi’i “kabaaru heñiiɗo”. E caakanɗe goɗɗe ko originaire Assimi Goyta e Emmaniyel Makron takkindiraa weynaa.
[natal taƴaangal e mbodooji] © séduction d’barrière (originaire taƴaangal e ndaarirgal)
E dow TikTok ko battinooɓe buy goongonii oo kabaaru e nder widiyooji ɗi ɓe waɗi. Ɗin widiyooji ndaaraama e kadi saakitaama e keewal. Ɓe fow hiɓe wi’a ko goonga ngal pellital ƴettaama. Ardiiɓe Mali waɗtii e gourdin fakkeere Burkina Faso, leydi dartinndi jokkondiral mum kañum e Faransi. Ko honɗum holli wonnde oo kabaaru abbaaɗo. Wonaa goonga? Caggal tefoore, piiji buy holli wonnde oo kabaaru ko fenaandeejo.
[natal taƴaangal e ndaarirgal [ © capture d’écran (natal taƴaangal e ndaarirgal)
Seedee arano holluɗo on wonaa goonga, ko tawde gila 2022, Faransi alaa ammbasaderjo hay gooto e nder Mali. Gila ardiiɓe Mali raɗii Joël Meyer e 1ɓuru 20222 Faransi addaali ammbasaderjo hay gooto ko lomtoo mo. Mali waawataa ƴettude pellital e ndee hitaande 2026 liddu neɗɗo mo woodaaka. Tawi kadi nate hollaaɗe ɗen ko nate laatinaaɗe Hakkillle Tafaaɗe. Si en teƴinii nduu suudu hollaandu wa si tawii ko Suudu Ammbasaade Faransi on e nder Mali, en yi’an maande Ammbasaad Amerik on ka hoore maadi. Ɗum holli ko ko fefindaa. Jiiɓolndu wonndu kadi ko nde winndande nde jaaynde malinaare winndi e dow alhaali yaltingol Joël Meyer, ko nden artiraa kadi hikka fii googingol ko ɓe saaki kon. Ɗum beydii layingol oo kabaaru fefinaaɗo saraa e dow mejaaje renndo. Ko honɓe woni caggal oo kabaaru? Hannde ka fewndaa ɗoo no satti anndugol ko honɓe tigi woni caggal ɗee kumpite pene ɗoo. Kono tefoore laɓɓinanii men wonnde kuntuuji buy saakuɗi oo kabaaru ko yimɓe jinnganooɓe Dental leyɗe Sahel AES jeyaa, tentinii ɓee ɓe Burkina Faso. Ko caakanɗe woɓɓe e ɓee huutorooɓe Facebook e TikTok ƴetti layini e ɓale walla e kelle maɓɓe. Tefoore amen hollii wonnde ko kabaaru kiɗɗo, takkidaa e nate yaltinaaɗe e caccudi mum e nate laatiniraaɗe Hakkille Tafaaɗe hawtindiraa oo kaabaaru sañaa sennditaa. Ɗum waɗii e wakati nde lurral taskaa e falnde nden hakkunde leyɗe hirnaageeje e leyɗe Sahel.
