Vladimir Putiin fooli suɓgoonji hooreyaaku leydi. O heɓii daaɗe 87,97 %. Woteeji ɗi lunndiyankeejo kelɗuɗo hay gooto tawtoraaka. Hooreejo Ruusiya waɗan happu makko tataɓu. Boli BA
Saakitaama ñannde : 18/03/2024 – 15:04
1 mintj
E bi’ol goomu tammbiingu woteeji Ruusiya, hooreejo leydi ndii heɓii ko ɓuri daaɗe 87 e nder teemederewel, caggal njaltudi gadiindi ndii woteeji ɗi e nder ko ɓuri 36 e nder teemedere cuuɗi gootirɗi. E tee ɗum ko ɓeydaare so eɓɓindiraama e duuɓi feƴƴuɗi ɗin, nde tawunoo o heɓanno ko daaɗe 64 walla daaɗe 68 e nder teemederewel e woteeji jawtuɗi ɗi. « Ruusnaaɓe suɓike mo ɓe yiɗi oo» Ko ɗum wi’i ngardiiɓo goomu tammbiingu woteeji ɗii, Ella Pamfilova. Kolluɗo kadi wonnde wootuɓe ɓee no ɓurii 74 e nder teemederewel.Hooreejo kiɗɗo, laatiiɗo ɗiɗaɓo kawtal tammbiingal kisal Ruusiya, Dmitri Medvedev, hollitii alat hanki weltaare makko e poolgu Vladimir Putiin. Kono e bi’ol bammbuɓe oo lundiyankeejo « Alexeï Navalny » maayuɗo e kaso ñannde 16 lewru 2ɓuru, njaltudi woteeji ɗi wonaa goonga.
