Tiindondire hino jokki e ñaawoore warngoji 28 settambur 2009, wonunde e waɗude, to suudu ñaawirdu Konakiri. Hanki 22 lewru 4 ɓuru, seedeeɓe e lorriɓe tiindondirii e tuumaaɓe. Ko yahata lorriɓe 6 tiindondirnoo e Kolonel Muusa Cegboro Kamara ko yowitii e haalaaji ɗi o yewtunoo e kuuɗe ɗe o waɗunoo ñannde warngooji ɗin. E kadi seedeeɓe, Valanten Haba, hooreejo poliisi kiɗɗo, Umaar Sanoh hooreejo kununkooɓe kiɗɗo e Porofeseer Hasan Bah, doktoroojo, ɓee fuf tiindondirnoo e tuumaaɗo Kolonel Abdulaay Sheerif Diyabi ko yowitii e jogitagol fureeji yimɓe waranooɓe ñannde 28 settambur 2009. Mammadu Aadama Jallo
Saakitaama ñannde : 23/04/2024 – 19:47
Ñaawoore 28 settambur 2009, Gine © AFP – CELLOU BINANI
