Alarba ñannde 3, 6ɓuru, en yewtay hannde ko faati e njillu hooreejo keso Benin Romuald Wadagni, e nder leyɗe Niijeer e Burkina Faso. Taw si nguu njillu, no waawi wonnde fokkitande ngam immintinngol walla wuurnitugol huuwondiral hakkunde Benen e Dawlaaji Leyɗe Sahel (AES)? Sabu ko ɗum holli oo hooreejo keso Benin nde o fuɗɗori njillu makko aranuru e nder ɗee leyɗe ɗiɗi sahel kawtalje makko. Hanki o yiilino Burkina Faso e Niger, leyɗe ɗiɗi ɗe huuwindiral e leydi makko grâce walla dartii ɗii duuɓi sakkitiiɗi.Konunkooɓe ardiiɓe Niger e Burkina Faso no tuumi Benin gila duuɓi tati jaɓude woodeede e nder leydi maɓɓe daakorɗe konu Faransi ngam haɓugol ɓe. E kadi gila duuɓi 3 keerol hakkunde Benin e Niger no uddii sabu alhaali ndeenaagu. Niger. Kono ɗum e ɗum mun Romuald Wadagni no holli faale wurnitugol gollidal hakkunde leyɗe maɓɓe. O anndinno ɗum heɓii balɗe 10 nde o waɗata woondoore makko ardagol Benin.
Envoi link
