Tedduɓe heɗiiɓe rfi fulfulde, bisimila-mon e yewtere men dinngiral rewɓe. Toɓɓere yewtere ndee hannde, ana haala fii alhaali teŋe dewgal, wonɓe biyan cabbirɗi. Oo fina tawa gonɗo leyɗe men, ko huunde teddunde sanne, rokkude ɗee teŋe woni fuɗɗode dewgal.
Duuɓi ƴaɓɓiiɗi ɗi, ɗii cabbirɗi ana tiiɗuno, ka jooni ɗun warti wasodirgol, moni kala ana yiɗi wiye kañun ɓuri hokkude jawdi teeŋti e kaalisi teŋe dewgal. Yalla so oo aada mawɗo e leyɗe men warti ngal ɓurondirngal, eɗen mbaawi wiide teddungal heddaaki e ɗe tenŋe. Hoko haani waɗeede ngam wartude e ko woduno arane e on alhaali. E yewtere ndee, eɗen njaɓi Pr Début Amadou Bano Barry, sociologue renndoyanke jannginoowo to gymnase mo Sonfonia to Conakry laamorgo Gine.
