Gila hitaande 2014 sosiyete wi’eteeɗo SOMIVA ina dilla e asugol oogirɗe e nder diiwal Matam, fuɗnaang rewo Senegaal. Timmii jooni lebbi sappo e jeetati golle maɓɓe ina ndarii sabu caɗeele hakkunde sosiyete on e ɓesnguuji gonɗi e kominji Ndenndoori, Hammadi-Hunaare e Horkaƴere e nder falnde Kanel. Eɓe naamndii yoɓeede ko ɓadii miliyaaruuji ɗiɗi e kaalisi FCFA sabu leyɗe maɓɓe ɗe SOMIVA woni e asude ɗee ko ngeseele wonnoo, eɓe lamndii yo ɗe jonnite ngartam majje. Umaar Mammadu SOW yiidi e njottondirɓe e dow oo alhaali, ndaa jantoore makko.
SOMIVA sosiyete dilloowoe asugol oogirɗe e nder diiwal Matam, fuɗnaange rewo Senegal © RFI FULFULDE /Umaar Mammadu Sow
