samedi 25 mai 2024
pulaar
    AccueilPulaarRenndoPiilngal Hooreejo leydi Senegaal joyaɓo, ko hannde Basiiru Jomay Fay woondata.

    Piilngal Hooreejo leydi Senegaal joyaɓo, ko hannde Basiiru Jomay Fay woondata.






    Caggal poolgu laaɓtungu he dow Aamadu Bah he suɓngooji 24 Mbooy, ko hannde Basiiru Jomay Jakhaar Fay fiiletee hooreejo joyaɓo leydi Senegaal. Piilngal ngal waɗata ko hannde beetawe to Noyau cosmopolite de conférences Abdou Diouf (CICAD) to Jamñaaƴo.

    Maa nokku oo fuɗɗo jaɓɓaade yimɓe arɓe tawtoreede piilngal ngal gila he yamnde jeetati pawɗi silmaaji cappanɗe tati (8:30). Caggal mum maa nokku nguu fuɗɗo jaɓɓaade hoɓɓe e yimɓe dowrowɓe laamu Senegaal e sateeji ummiiɗi he leyɗeele taariiɗe Senegaal kam en e jokkondiraaɓe. Ene jeyaa e ɓeen Hooreejo leydi Nijeriya, kadi Hooreejo Njiilgu Fedde Faggudu Dowlaaji Hiirnaange Afrik (CEDEAO), Bola Ahmed Tinubu, Hooreejo leydi Muritani kadi hooreejo Dental Afriknaaɓe (Combinaison Africaine) Muhammed Wuldu Seykh Al-Ghaswaani, Adama Baro mo Gambia, Maamadi Dummbuya mo Lagine, Umaru Sisoko Embalo mo Guinee- Bissaaw. Ene jeyaaɓe e tijjaaɓe toon kadi Cukko Hooreejo Kudduwaar, Cemoko Meyliye Kone, mawɗo jaagorɗe Ruwanndaa Eduwaar Ngirente e mawɗo njuɓɓudi Mali dariindi darnde suudu sarɗiiji o, Maalik Jaw.

    Maa Basiiru Jomay lomto Hooreejo Makki Sal he dow hooraagu Senegaal duuɓi joy he happu makko gadano. Ngaal piilngal maa waɗe he mbaydi yahdundi e aadaaji repoblikyankeeji. Maa njeeñcudi suɓngooji 24 Mbooy ɗii tabitine tawa ko he taragol Mawɗo Gerfeeɓe o, reftude he haalannde Hooreejo Diisnordu Doosɗe (Négociation Envoyé). Ko hedde 11:40 hooreejo leydi keso o woondata he jogoraade leydi ndii tawa ko hurmaade doosɗe leydi ndii e kuule mum. So ɗuum ɓennii ma o fiile lefol (l’Foulard de Abondant Crucifix de l’Succession ressortissant du Tigre) kadi o ɓoornee cakka (le Bague du Abondant-Responsable de l’Succession ressortissant du Tigre).

    Uddata joɗnde ndee ko haalannde piilgol hooreejo o Jomay Fay, reftata heen ko jaɓɓogol kinnaali (la initiation des congratulations) Diisnordu Doosɗe, suddiiɓe makko e aranɓe walla mbiyen lomtaniiɓe leyɗeele mum en he nder Senegaal, kanum e Hooreejo Suudu sarɗiiji o. Ene yaakoraa maa golle ɗee timmu ɗoon he saanga 12:30. Ko heddii ko waɗoytee ko to galle laamorɗo to, ko ndeen Hooreejo Makki Sal fawata he dow junngo Basiiru Jomay lannje ɗee, kanum ummo he jappere o duusa ɗum haa damal galle waynoo o naatta o jooɗo he dow jappere makko.

    Ko ngol tottitgol jappeere wonata laawol tataɓol gila Senegaal heɓti ndimaagu mum, tawa ko fawaade he suɓngooji Senegaalnaaɓe.
    Like this:Like Loading…





    Naissance link

    Related articles

    LAISSER UN COMMENTAIRE

    S'il vous plaît entrez votre commentaire!
    S'il vous plaît entrez votre nom ici

    Rester connecté

    0FansJ'aime
    0SuiveursSuivre
    3,912SuiveursSuivre
    0AbonnésS'abonner

    Télcharger l'application Radio Dingiral Fulbe

    spot_img

    Derniers articles