Yonta fof e jontaaɗo mum,woni jontaaɗo yonta ko mo leydi rokkiri hoyre.
Oo yonta hannde ko aamadu ba senegaalnaaɓe ndokki hoyre no nayi ɗomɗuɗi ndokkirta hoyre mbalka ni.
Ɓee fof na mbaawi jogaade leydi feewa so keɓii, kono baawɗo heɓan’de hoyre mum leydi ndi, ko hannde dee mbiy mi : ko aamadu ba.
So tawiino ko gila na heddii duuɓi 2 – 3 president sortiima e laamu ngu rokki gooto e ɓeen ɗoon jokkitii laamu makko no sañorinoo ni, ɗuum dokkanooɗo heen fof jokkat golle leydi ndi no haaniri ni.
Kono en njawtii ɗoon hannde, hannde ko mo leydi ndii fof waɗdi hakkille mum o waawi waɗde kampaañ heɓa laamu ngu, leydi ndi jokka feere president makki sal aafi nde.
Senegaal hannde ko baawɗo heɓde o rokketee heɓa ardoo fooɗa ɓiɗɓe leydi ndi liggondira e mum en e tolno renndo ngo tolnii ngo.
Nde tawnoo eɗen poti jaɓde senegaal na waɗa politik kono senegaal alaa parti : sabu kala daminaaɗo na daña walla dañii tan partiiji ɗii fof moftat partiyaagal mum en cowa kayitaaji mum en ngartira kapsulaaji e kunuɗe bikuuji ngarta e miijo e kalifaandi oon ɗoon mo leydi ndi rokki hoyre mum oo.
Eey ko ɗoon politik leydi ndi tolnii, leydi ndi ko noon deeƴirta daña jam.
Idrisa Ka
