Talaata 28 lewru 7ɓuru, hiɗen hewta Niger, nokku to timmi duuɓi tati gila hooreejo kiɗɗo leydi ndin Mohamed Bazoum jaggaa. Gila ñannde 26 lewru 7ɓuru hitaande 2023, ñalaande nde konunkooɓe halfinaaɓe kisal makko liɓi laamu makko. Himo jaggidaa e debbo makko e suudu ka laamorgo Niamey, ɓe yiidataa e hay gooto. E hitaande 2024, suudu ñaawirdu ndu konunkooɓe ardiiɓe Niger sosi, ɓoortuno Mohamed Bazoum hormaku hooreyaaku makko, Kono gila ɗum, o ñaawaaka.
Naŋngugol Mohamed Bazoum timmii duuɓi tati [natal yeru] © ISSOUF SANOGO / AFP
Ko holno taskorɗon ngol jaggugol Mohamed Bazoum e nder oo dumunna ɗoo fow ? Mbelle alhaali oo hooreejo kiɗɗo Niger nanndaali e ko yeggitaa ? E nder ɗii ɗuuɓi tati ɗi Mohamed Bazoum woni e joge, hooreeɓe ɗuuɗuɓe leyɗe darike fi yo o woppite kono wakkilaare maɓɓe nden battinaali. Hino jeyaa e ɓen hooreeɓe Emmanuel Macron, mo Faransi, Alassane Ouattara mo Koddiwaar, Denis Sassou Nguesso mo Conngo, hooreejo kiɗɗo Benin Patrice Talon, Qatar, Maroc, Algérie wonndude e dental leyɗe Erop. E miijo mon holko saabii laamu Niger no salii accitude Mohamed Bazoum e jom suudu makko ?
Hiɗon waawi neldude men lamndal ngal yiɗuɗon yo men jaabo e guurol. Okkee miijo mon e ndee toɓɓere ka tongoode watshapp : 00221766441280.Heɗee jeewte paradoxe fow ka kelle paradoxe Facebook e Twitter: RFI FULFULDEOn Tottaama Konngol ko ñalaande kala gila njamndi 13:15 faa 13:30 (GMT).
