Ciwlere laamu waɗunde Niijeer battinii hannde e leydi Gana. Otooje/Kamiyonje teemeɗɗe rondiiɗe basalle/soble iwruɗe Niijeer no saggi gila balɗe ka keerol hakkunde maɓɓe e Benen. Najeriya e Benin no uddi keeri maɓɓe gila laamu laamu Mohammed Bazum ciwlaa ñannde 26, 7ɓuru 2023. Ngol uddugol keeri wonii sabu ñolugol yeeyeteeɗi ɗuuɗuɗi e lellugol ñaameteeji goɗɗi ka luumooji. Gana, Cappanɗe jeetati e nder teemederewell basalle huutorteeɗe Gana ko Niijeer iwata. Sabu ɗee caɗeele yeeyooɓe woɓɓe no ɗaɓɓude laawi fii no kamiyonnje maɓɓe naatira Gana. Ali Umaar ko gooto e hooreeɓe yeeyooɓe basalle. Heɗoɗen mo.
Saakitaama ñannde : 17/08/2023 – 14:49
1 mintj
Basalle alaa niini gila ɗii keeri udaa, yeru ko woodi kon no ñolude, ndiyam kadi no yalltude e goɗɗe ɗen. Kala kamiyonrondiiɗo basalle yiltaama Niijeer fii buumugol ɗe kadi kesun. Kaalisi buy perdirii /bonirii men fii mun. kamiyon bee no ronndi emmbere ujune 2 kaalisi dolaar. Jooni non ko honno men gerdata fii no men hettira ɗin mbuuɗi. Men yeeyu piiji paradoxe goɗɗi ko satti. Si koko haani kon saaku basalle ko 800 cedis yeeyetee ɗun ko telen 64 kaalisi ero. Kono fewndo oo saayi ɗoo himo yeeyeede 1400 cedis. Si tawii ɗii keeri udditaaka haray on anndi ɗii coggeeli ɓeydoto ko ɓuri nii. Ɗun ɗoo moƴƴanaa ɓiɓɓe Gana tawayɓe feere maɓɓe nden yaaja. Ko ɗum waɗi si me ɗen lamndii guwerneman ballal. Me ɗen faala yo laamu ngun yewtudu e CEDEAO fii no ɗee kamiyonje ronndiiɗe basalle yawtira ɗii keeri. Me ɗen ndaarude kadi si tawii men heɓay laawol goo kadi telen/helle Najeriya. Me ɗen yewtudude kadi fii mun e ɓee yeesooɓe Benen men ndaara si tawii ɓe newnanay men fii rewugol ka maɓɓe. meɗen miiji kadi yewtudugol e ɓee ɓe Burkina Faso.
