Laawol Atlantik ɓeydiima saɗtirde no feewi wonande ɗanniyankooɓe, ɓe ɗoftaaki sariya. To leydi Moritani, reenooɓe maaje ɗee ina jokki faabaade mbeefeegu yimɓe e nder maaje maɓɓe, tawi ko e nder ɓeydagol mawngol yahooɓe ɓee e ɗii dumunnaaji. E nder jonte ɗiɗi tan ko ina tolnoo e 1 100 ɗanniyanke faabaama e nder diƴƴe maaje Moritani. Ndeeɗoo talataare tan, 124 neɗɗo ummoriiɓe Gambie nanngaama e daande maayo Nouamghar saraaji Nouakchott. Ɗumɗoo ko maande woɗnde e caɗeele ujunnaaje ujunnaaje sukaaɓe etaade yettaade duuɗe Kanaari rewrude e ɗii laabi. Ngam heɓde humpito e ngonka kaa, en keɗoto Oumar Elhadj Thiam, nultondiraaɗo men to Nouakchott.
Avènement link
