Limoore hayruɓe pittaali mum sabu yeƴagol leydi ndin ñannde 8 lewru 9ɓuru timmii yimɓe ujune 2900 maayɓe e ujune woɓɓe barmuɓe (gaañiiɓe). Faabotooɓe, yarlitiiɓe e konu leydi ndin no jokki ɗaɓɓitugol wuurɓe heddiiɓe e ley cuuɗi yirbuɗi ɗii. Aéronef neɗɗiyankooje ɗen no jokki arde. Balɗe jeego’o caggal nde oo musiiba waɗi, hoɗiyankooɓe Maraakish no wonndi haa jooni e kulol. Ahmed BARI, janngoowo ginenaajo wuurɗo Maraakesh no seeditoo. Hay so tawii kanko o daɗii, e bi’ol makko, woodii ginenaaɓe barmuɓe. Heɗoɗen mo e faandu haala Mammadu Aadama JALLO.
Introduction link
