Niijeer, Laamiɗo Sanusi arii hanki Ñamey. Fanndaare ndun incommode oo hooreejo laawol Tijjaaniya e nder leyɗe hirnaage Afrik ko ɗaɓugol faamondiral hakkunde Niijeer e Nijeriya, hay si tawii o anndii wonnde wonaa e innde laamu Najeriya ardi . Ummu BAH
Saakitaama ñannde : 10/08/2023 – 19:08
1 mintj
E bi’ol Laamiɗo Sanusi ko woni feƴƴude kon e ɗii saahaaji sakkitiiɗi ɗoo hakkunde Niijer e Najeriya no aanini. O tenntini ɗee leyɗe ɗiɗi woowa haɓude e kadi ɓe yellaaki ɗum waɗude. Fahin e nder ɗii yewtereeji makko himo tenntini kamɓe hooreeɓe diinaaji ɓe jooɗotaako haa laawo. Himo tamƴinii non wonnde nduu incommode makko newinan no yewtere udditiree hakkunde ɓee yeesooɓe Niijeer e Najeriya. Laamiɗo Sanusi anndinii kadi wonde o yiidii e Abduramaan CIYANI, hooreejo ciwliiɓe laamu Niijeer. E bi’ol makko o natitanay Bola Tinubu hooreejo Niijeriya on ko o yewtidi e Abduramen CANI. En anndintinan wonnde e oo saa’i, yoga e ambasaadji fuɗɗii ɗuytugol gollooɓe maɓɓe wonuɓe Niijeer. Ɗum ko gila laamu Mohammed Bazum jaɓitaa. No jeyaa e ɗin Amerik, Almaañ e Faransi. Woɓɓe kadi jeyaaɓe e ambasaadji goɗɗi yahunooɓe gurte artaali Niijeer taho.
