Senegaal, orngal ƴamooɓe lefol laamu fuɗɗima e nder leydi ndii woni jooni yontere e ko fawi. Ender ɗum, kandidaaɓe ɓee no kollitude ko woni eɓɓoore maɓɓe nde ɓe jogaani leydi ndi so ɓe suɓaama. E ndee hitaande, Senegaal wuurii caɗeele mawɗe ko faati e ɗanle ɗe ɗoftaaki sariya. Sabu sukaaɓe teemeɗɗe maayii e ɗee laaɗe. Ko yowitii e haɓugol ɗee ɗanle,senegalnaaɓe ɗuɗuuɓe no padii ko heewi ngam ñawnduude ɗee caaɗele. Muusa UmarBari, waɗii njillu e nder Sumbejun, nokku ɗo sukaaɓe ɓee ɓuri immoraade faade e Erop.
Sumbejun, Dakaar, nokku ɗo fergu sukaaɓe faade e Erop ɓuraa taskeede e nder Senegaal. © RFI FULFULDE/ Muusa Umaar BARI
