Wonaa goonga. Ɓee yimɓe ɓe njiyaton e oo wideo, rigaango/manaango/farñitere sumaaniɓe e nder Senegal.Ko e sahaa ndungu ngonɗen e nder leyɗe men ɗuuɗe. Heɗen keewi teskaade bonandeeji rigaago walla farñitere no waɗa e sahaa ndungu ina heewi. Ko oon saha ngonɗen, saabi wideo mo wonaa goonga ina yirloo e nder mejaaji renndo ɗii, ina holle e makko wonde rigaago/farñitere warii neɗɗo gooto kadi barminii heewɓe ɗo e Senegal.
So en tumniima e hito neɗɗo kaaloowo e nder oo wideo, o holliti loriiɗo oo wonno ko e hutoraade telephone mum e sahaa nde rigaango ngoo waɗi. Ko ɗuum saabi ndee bonande. Kono ɗum wonaa goonga. Wideo ɓayyinaaɗo ittaama e caccudi makko. Gollodiiɓe paradoxe Rfi, mbaɗii witto e oo wideo. Holno wideo o ɓayyiniraa ?Ɗii kabaaruuji fenandeeji kollitii ɗum waɗi ko e nder Senegal, kono ɗum wonaa googa ?Holto oo alhaali waɗi e holko woni caccudi walla sahaa mo oo waɗaa? Hol ɓayyinɓe oo kabaaru? E holko woni fandaare maɓɓe?
