Hooreeɓe leyɗeele Dental OTAN, tumnbondirii hannde to Vilnius, Litiyani. No jeyaa e faandaare ndee jonnde naadugol Ukreeniya e nder dental maɓɓe ngal. Ɓe nanondirii saatingol Ukreeniya tawtude dental ngal si tawi sartiiji ɗi fowu no timmi. Ko ɗum holli oo kolaaɗo kuuɓal Otan. Boli BA.
Saakitaama ñannde : 11/07/2023 – 22:16
1 mintj
E bi’ol Jens Stoltenberg, kolaaɗo kuuɓal OTAN, ɓe kollii konnguɗi laaɓuɗi wonnde ɓe saatinan Ukreeniya tawtude ɓe, so tawii jeyaaɓe e dental ngal fof njaɓii saatingol ngol kono ko dow sarɗiiji ɗii fof tiimi. O haali ɗum ko e jonnde makko e jaayndiyankooɓe.Oo tenktiini, ko ngol lawol woni gadɗanol ko eɓe kuutoroo konngol « saatingol ». Sababu ka haala, ko caggal nde hooreejo Ukreeniya, Volodimir Zelenski holliti mette mum e ko leydi maɓɓe rokaaka aadi nde tawta dental Otan ngal. Etee ɗum firti ko ɓe fiɓaani tawo ƴettude ngal pellital. E bi’ol makko, so Ukreeniya tawtii Otan dental ngal ɓurtata sembude. O haalii ɗum to Villinus lamorgo Litiyani e saha jonnde OTAN duumotoonde haa alarba janngo.Anndide e ñallawma janngo o yiidan ton e hooreejo Dowlaaji Ndentuɗi Amerik, Joe Biden.
