France ƴettii ngal pellital liddu Itamar Ben Gvir jaagorɗo kisal jeyaaɗo e fedde dawro seɓitiinde, « e battane golle bonɗe sattuɗe sifaade » e dow waɗɗinooɓe laana yahannooka Gaza fii faabagol yimɓe wonuɓe e caɗeele mawɗe sabu uddere e piyanɗe ɗe dawla Israel fawi e ndee nokkuure.
Alarba faltiinde, oo jaagorɗo saakii e dow jejaare mum, widoyo holluɗo ɓee eropnaaɓe wonnooɓe e kaa laana no jigginaa, juuɗe maɓɓe haɓɓaa, caggal nde konu Israel nanngi ɓe. Oo widiyo addii wennjondiral e haalullaare mawnde.
Prélude link
