Israyel ƴettii pellital ngam jaɓɓude (qirragol) wonde Sahara Oksidantal (Hirnaage) ko e leydi Marok jeyaa. Ko ɗum holliti ɓataake hooreejo jaagorɓe Israyel Dernier-né Netanyahu. ko gollidiiɓe laamɗo Marok anndini oo kabaaru. E bi’ol oo hooreejo jaagorɓe Israyel ngal pelliltal yottinte kala ɗo darnde leydi maɓɓe ndin woni. Ɗum laatike duuɓi caggal nde Israyel e Marok ñiɓi jokkondiral mum . Abdullaay JALLO.
Saakitaama ñannde : 18/07/2023 – 21:01
1 mintj
Israyel ƴettii pellital ngam jaɓɓude (qirragol) wonde Sahara Oksidental (Hirnaage) ko e leydi Marok jeyaa. Ko ɗum holliti ɓataake hooreejo jaagorɓe Israyel Dernier-né Netanyahu. ko gollidiiɓe laamɗo Marok anndini oo kabaaru. E bi’ol oo hooreejo jaagorɓe Israyel ngal pelliltal yottinte kala ɗo darnde leydi maɓɓe ndin woni. Ɗum laatike duuɓi caggal nde Israyel e Marok ñiɓi jokkondiral mum . Abdullaay JALLO.Ngal pellital Israyel hollitete Dental Adunaaru, tunnelier adunyankooje ɗe Israyel tawaa e mun kono kadi leyɗe ɗe Israyel naɓiɗi ɗen to baŋŋe jokkondiral diplomasi. Ko ɗum humpiti on ɓataake mo hollitol suudu laamɗo Marok ɓanngini hanki. Dernier-né Netanyau anndinii kadi laamɗo ndin leydi wonde himo ndartude no ɓe udditira konsula to Dakhla diiwal wontirngal heede Sahara Oksidantal nokku mo Marok fawi juuɗe e mum. Jaagorɗo Israyel halfinaaɗo huuwondiral e leyɗe jannane hollii himo weltorii ngal pellital. E bi’ol Eli Cohen ɗum ko ɓurtata semmbinde jokkondiral hakkunde ɗen leyɗe, kono kadi e wallindiral hakkunde leyɗe ɗen ɗiɗi fii no jam e deeƴere tabitira.Ngal pellital Israyel ƴettaama duuɓi caggal nde Amerik jaɓi wonnde Sahara Oksidantal ko Marok, kono kadi caggal nde leyɗe sappo e jowi tawaaɗe e fedde leyɗe Erop banbanɗe Marok ngam no ɓuri konsulaaji cappanɗe tati uditaa e diiwe Laayun e Dakhla.E siftinde Marok e Israyel moƴƴintino jokkondiral maɓɓe to baŋŋe diplomsi gila lewru sappo e diɓaɓuru hitaande 2020 ko yowitii e faamondiral iniraangal » Nanondiral Abraham ». Nanondiral wonugal kadi hakkunde Israyel e yoga e leyɗe arbuuɓe wontiduɗe e Washington.
