Hannde alarba ñannde 26 lewru 8ɓuru hiɗen kaala ko faati e yoolagol laaɗe ndiyam e nder leyɗe men Afrik. Alhaali on no taskaa no feewi teeŋti e oo sahaa toɓo walla ndunngu. Najeriya, ko fawi yimɓe 50 maayi yontere faltiinde caggal nde laana maɓɓe yuwi. Ɗum ko waɗi ko e jaangol Goronyo, e nder diiwal sokoto rewo hirnaange leydi ndin. Mali kadi ñannde 13 lewru ndu woonuɗen e mum laana ndiyam iwrunooka Mopti no yaade Poutie e nder grossière Socoura yoolino. Rewɓe 15 heddii e nder mun.
Maayo Goronyo, rewo hirnaage Nigeria, ɗo laana yuwi ñande 20 août 2026. AP Cliché/Usman Yusuf – Usman Yusuf
Ado ɗum e lewru 1ɓuru e 2ɓuru hitaande wootere nden laaɗe yoolino Mali, maayɓe heewɓe taskaa e mun. Koddiwaar kadi ko fawi yimɓe 10 maayii lewru faltiinde caggal nde laana maɓɓe yuwii e nder wuro Liboli. Oo bone wonaa e ɗee ɗoo leyɗe tan taskaa. Ko holno ɗum fewndori e nder leyɗeele mon? Holko saabii yoolagol laaɗe ndiyam no sukki e nder leyɗeele men? Ko pehe holɗe haana ɓameede ngam falaade oo bone?
Golle :
Fatoumata SY SAVANE
