Njaɓɓotoɗen hannde ko Mamadou Ndiaye, gooto e ardiiɓe mejaare Imedia, tawateende Dakar laamorgo Senegal. O facciran en ɗee toɓɓe ɗe cuɓɓiɗen e kabaruujuji ndee yontere, Ina tawee e majje:Nder Senegal: En kaalat e alhaali janto huɓtodingo ko faati e ɗowugol golle hooreejo jaagorɓe leydi ndi woni Ahmadou Al Aminou LO. Tchad: Ko e ñawoore horeejo murtuɓe bi’eteeɗo Abdoulaye Miskine, njewtaten. Njeewten kadi e majjere Moussa Kaka, jaayndiyanke lolluɗo jeyaaɗo Niger. Mauritanie: Ko mette ɓernde e finnere woni ton caggal ndee cukkalel jaartee ngel e duuɓi 7 yanna wolla mbiyen doola. Rewrude ndii leydi Mauritanie faade Guinée haa Gambie, tayre kuraŋ teskaama e ɗee leyɗe. Huunde mettunde sane hoɗuɓe e majje. Ngasnirten ko e welo welo, yottiima alkamiisa heci-hanki ɗoo e Senegal Jaayngol Olympik e fransire ina wi’e “Étendard Olympik”. Ɗum ko e koyɗe juɓɓingol pijooji jowtiiɗi e mum taw ko e bannge sukaaɓe woni “Les Plaisanteries Olympik de la Fraîcheur” fuɗoto ɗo e Senegal ñande 31 lewru 10ɓuru arooru ndu.
Mammadu Njaay, Jaaundeyankoojo, taskotooɗo kabaaruuji © Mammadu Njaay
Dinngiral Rewɓe
rfi fulfulde
Oɗon mbaawi hokkude mijjooji mon e dow toɓɓere nden. Tonngoode soit WhatsApp 00 221 76 644 12 74Oɗon mbaawi heɓude ɗee yeewte fuu e dow salut soit Facebook e Twitter: RFI Fulfulde
