Oo luulndiyanke kadi hooreejo fedde politik PAIGC suutii konngi e oo aljuma 7 lewru 8ɓuru, toon to Lisbonne leydi Portugal. Ko toon o woni ko ina abboo hannde e jonte ɗiɗi ngam safaara e yamiroore suudu ñaawirdu mawndu nduu. Ɗum ko caggal nde o dummba balɗe 13 to kaso mawɗo Bissau. O hollii wonnde hay huunde waawaa haɗdemo waɗde golle makko politik saabu suudu ñaawirdu nduu momtii ɗeen tuume pawanooɗe e makko. Simões Pereira anndinii wonnde omo ɗaminii ruttaade to leydi sabu maanaa gonal makko ko wonde sara ɓesngu leydi ndii.
Saakitaama ñannde : 08/08/2026 – 13:38
1 mintj Beru minittaaji janngataa ɗun
