Hannde e talaata ñannde 8, 9ɓuru, hiɗen yewta ko faati e alhaali ɗalle ɗe ɗoftaali sariya. Hino taskaa wonndema limoore ɗannortooɓe ɗii laabi ndiyam alaa e ustaade. E oo saha ɗoo leyɗe keewɗe Afrik ko Gambie, Mauritanie, Senegal woni e yaltirde faade Espaañ. Yontere yawtunde ko fawi ɗanniyankooɓe 80to e nder ɓe 127 immorɓe Gammbiya maayii caggal nde laana maɓɓe ɓooyi yiilaade ko timmata lewru e nder mayo ngon. Kono ko ɓe ko 44 tun aynooɓe maaje Espagne waawi yiitude. Lewru fatiindu kadi ko laana waɗornooka ko ɓuri ɗanniyankooɓe 300to yoolii e halte Nouadhibou e nder Mauritanie. Laana kan ko immornooka Gambiya. Ko ɓiɓɓe Senegal, Guinee, Gambie e Mali wonnoo e nder makka. Yoga e maɓɓe maayuno, hino tawaa e maɓɓe rewɓe e cukaloy. Ko holno faamirɗon oo alhaali? Holko saabi si ɗanniyankooɓe hino maaya e nder ɗee maaje? E bi’ol Dental Adunaaru ONU limoore ɗanniyankooɓe naatooɓe Erop no ustii sanne kono limoore dannotooɓe mayɓe e maaje ɗen no ɓeyɗii.
Ɗanniyankooɓe [ natal yeru] © SNSM
Hiɗon waawi neldude men lamndal ngal yiɗuɗon yo men jaabo e guurol. Okkee miijo mon e ndee toɓɓere ka tongoode watshapp : 00221766441280.Heɗee jeewte soit fow ka kelle soit Facebook e Twitter: RFI FULFULDEOn Tottaama Konngol ko ñalaande kala gila njamndi 13:15 faa 13:30 (GMT).
