Hanki fiyannde mawnde waɗii Tahraan, laamorde Iran. Ko mooɓondiral e battane tottugol horma Qassem Soleymani, jeneraljo iraninaajo mo Amerik warirnoo doroonwal e hitaande 2020. E bi’ol ardiiɓe cuuɗi ñawndirɗi ko yimɓe maayɓe 84 limaa. Yimɓe 284 gaañii, 195 e maɓɓe no wallii ka cuuɗi ñawndirɗi. Ndee limoore bortii wonnde jonnanoonde tawi hinde ɓuri toowde.Hay gooto wi’aali taho ko kañum woni caggal ndee fiyannde. Nde waɗii e wakati mo alhaali oo jilɓi e nder ndee falnde sabu hare hakkude Hamas e Israayel.
Saakitaama ñannde : 04/01/2024 – 11:07
