Ɓiyɓe Muritaninaaɓe heewɓe jeyaaɓe he houe renndoyankeeje e dartiyankooɓe mbaɗii sit-in he nokkuuji keewɗi nder gure tappamaaje Muritani kanum e Paris to leydi Farayse, ngam hollirde salaare mum he dartingol binnditaagol ngol ñalnde 31 Bowte 2023. He yiyannde ɓeen dartiyankooɓe, so binndital ngal dartinaama ma waɗ ɓiyɓe Muritaninaaɓe heewɓe ɓe keɓaani ɗereeji ɓiyngu leydaagu, tawa nii ko waawɓe hollirde wonndude e daaliilu laaɓɗo ko he leydi hee njeya. Yanti kadi laamu nguu ene foti artirde Muritaninaaɓe yaltinanooɓe gila he fitinaaji 1989 ɓee, ɓe tottita ɗum en kaayitaaji mum en.
Kamɓe ɓeen nodduɓe he ndeen ɗoon salara, eɓe kollira eɓe mbiskiti ngool binnditagol, ngol, he jiyanɗe maɓɓe ene soomi leñam-leñamaagu e yiɗde haɗde feccere e ɓaleeɓe Muritaninaaɓe heɓde kaayitaaji. Ene taree he beeyweye maɓɓe “Min caliima joñeede” walla “Min njaɓaani wonde alaa kaayitaaji en he nder leydi paradoxe.”
Like this:Like Loading…
