Ñannde 20 e 21 lewru ndu ngonɗen e mum, Dakar jaɓɓiima jonnde winndereyankoore yowitiinde jam e kisal e nder Afrik. Ndee jonnde noddirteende » Dinngiral Jam e Kisal e nder Afrik » waɗii e sahaa nde teskaa waylitere mawnde e nder adunaaru nduu. Njuɓɓudiiji hono CEDEAO ina telɓi seeɗa, kuliyankaagu ina jokki layde, waylowaylo weeyo e caɗeele goɗɗe e nder duunde Afrik, tentinii e falnde hirnaage. Horeejo Senegal, Bassirou Diomaye Faye ardii udditugol ndee jonnde. O waɗii yeewtere e yeeso honooɓe makko e nultondiraaɓe leyɗe. Ngam jam e kisal laatoo, o noddii e pamondiral to baŋŋe diplomatik, tafde tunnelier konunkooje afrikiyankooje ngam falaade kuliyankaagu.E yi’annde mon, holno podooje ɗee mbawirta wonde ko laatii.
Envoi link
