Talataare keeŋen, daakorɗe ɗiɗi konu leydi ndi kippaa e ley diiwal hakkundeere naayaade funnaange leydi ndi. Beete daakorde poliisi en nder Sanga, kiikiiɗe daakorde konu wonnde Soduguy. konunkooɓe appanɗe mbaraa, kaaki keewɗi duu mboni. Nii wii seediiɓe heewɓe, siwil en e daraniiɓe ndeenaagu haaldaaɓe. Jihaadiyankooɓe JNIM tuuma.
Saakitaama ñannde : 24/04/2024 – 19:59
1 mintj
Ko foti poliseeɓe 33 noddirteeɓe GUMI-PN mbaraa e ndee hippannde waɗunde to Sanga be’ete Hanki. Won majjuɓe, ɓe nji’itaaka. Kaake keewɗe mbonii, goɗɗe naɓaama. Nii wii seediiɓe heewɓe. » » Jihaadiyankooɓe ɓe ngarii e keewal e ɓe ɓorninoo comci konunkooɓe. » » Nii wii go’oto e daraniiɓe ndeenaagu, mo min kaaldi. E bi’ol makko, saabaabu nde ɗii comci ɗi jihaadiyankooɓe ɓee ɓoorni, hay go’oto jeertaaki, haa ɓe naati e wuro ngoo.E kiikiiɗe oo, fedde jihaadiyankooɓe JNIM mbaɗii jeeyngal nantinde wonnde ko kamɓe kippii ndee daakorde. ɓe kollii heɓudepoolgu timmungu e dow ɓee poliseeɓe Burkina.Kiikiiɗe hanki faa hannde, daakorde konu wonnde Soduguy hippaama. Ko jihaadiyankooɓe JNIM ɓee cappaa feɗeendu. Kono laaɓal timmungal heɓaaka e bonanndaaji baɗuɗi e nder ndee daakorde.Gilla ɗii jannguuji nantina, konngol laamu Burkina nanaaka. Miin tewtii jokkondirde e konu leydi ndii, kono, miin keɓaani jaabuwol maɓɓe.Faa han Talataare keeŋen, siwil en duu mbaraama Somkaloga e ley diiwal rewo leydi ndi ?Noon tigi Abdullaay ! Yimɓe sappo e njeɗɗon, siwil en, mbaraa. Ɗum waɗii kocaggal nde ɓe njiɗi hootude e nder ngoo wuro, ngo ɓe eggi ko ɓooyi e teddinde konngol ceerno maɓɓe. Jihaadiyankooɓe ɓee tuuma ngoo warngo. « »Konunkooɓe noddaama, kono ɓe njaɓaani nootaade. Nii wii seede go’oto. Ɗum waddi mette haa ɓiɓɓe Segenaga, njaltii hanki waɗude seppooji, ɓe uddi butikaaji, nhgam hollude mettere maɓɓe.
