To Mali, Meerseneer en wagner alaa e waawuɗe timminde faadaare mun walla golle addiuɗe ɓe Mali. ko faati e haɓaade jihaadiyankooɓe. Nii wi’i tefoore, nde jaaynde » le monde » yaltini jaabu mum. Hannde talaata hiɓɓii hitaande, ko konunkooɓe Barkaan, njalti Mali, ko foti duu hitaande e feccere ko ɓee meerseneer wagner naati Mali. E ndee tefoore, » le monde » hollii ronkere wagneer e haɓaade jihaadiyankooɓe. Kasen, tefoore nde hollitii, wagneer ɓeydii fitinaaji e ley leydi Mali. heɗoɗen jantoore Abdullay DIKKO.
Saakitaama ñannde : 15/08/2023 – 15:02
1 mintj
Jaayndeyankooɓe le monde taykike nate satelit, binndi diplomat en Amerik e leyɗe Erop, faa e yottaade kabaaruuji, ɗi ONG ACLED nantini, ndee gollirde, nde wanaa gollonoore laamu nantinoore kabaaruuji e dow fitnaaji, nde ɗi ngaɗi, ɗo ɗi ngaɗa e heɓe ngaɗi. E wii ndee tefoore ana miile konu wagner, yimɓe 1 600 ngoni Mali hannde, peccaa e daakorɗe jeɗɗi.Gilla ɓee meerseneere en ngari Mali, piyanɗe jihaadiyankooɓe ɓe ɓeydiki : ñakataa siwil en 688, fedde Eta Islamik wari e hitaande 2022. Fedde JNIM warii ko foti siwil en 590. E ɗum, warngooji Eta Islamik ɓeydiki nde laabi jetti, illa e duuɓi nayi ƴaɓɓiiɗi ɗi. Warngooji JNIM ɓeydoriki nde tati e piccal joyi.Ko saabi ndee ronkere Wagneer, e wii jaaynde le monde, yo saabe ɓe ngalaa baawɗe laanaaji diwooji, ɗi konu Farans jogino e kasen, eɓe e nokku kakindiiɗo. Golleeji 72 e ley teemedere, ɗi wagneer waɗata fuu, yo e ley diiwal Mootti e Seegu, hakkundeere leydi ndi. E wii jaaynde nde, garol wagneer ɓeydanii guɓe jihaadiyankooɓe ɗe haɓotooɓe. Saabe warngooji, ɗi ɓee meerseneer en ngaɗata feewde e siwil en. Hakkunde lewru go’oɓordu e hitaande 2022 e lewru jeegoɓordu e ndee hitaande 2023, e oorle 294, ɗe wagneer waɗi, feccere nde fuu e siwil en fewtina. E ley majjum, ko foti ɓiɓɓe Mali ujinere, ɓe walaa fuu ko jiɓi ɗum en e jihaadiyankooɓe, mbaraa. E wii ndee tefoore jaaynde le monde.
