Hannde e alarba, ñannde 17, 9ɓuru, en kaalan ko yowitii e alhaali dawro Caad. Duuɓi ɗiɗi caggal woote referandom, ardiiɓe leydi ndin no heblanaade kadi heyɗitinngol kuule goɗɗe sariya mawɗo leydi ndii. Sarɗinkooɓe ɓen wootii e keewal ndee yontere, eɓɓore sariya MPS, fedde laamuyanjoore Caad ko faati e ɓeydugol happu laamu hooreejo leydi ndii. Itta e duuɓi 5 watta duuɓi 7 heyɗintinteeɗi fannii ontigi no yiɗi. Ndee eɓɓoore sariya no haanaa hewtineede to Senat, ɗoo e ñannde 13 darotoondu ñalaande happaade fii wootugol ndee. Nde tawi suudu Sarɗinkooru ndun e Senat no wondi walla no caggal fedde laamuyankoore nden ɗum no holli wonndema waylugol sariya mawɗo Caad laatoto fii kala lumndo ngon no liddii waylugol oo sariya. Saɓu e bi’ol maɓɓe, ko ngam warude demokarsi laamu ngun woni. Si ɗum arii laataade, fi demokrasi yewtataake hannde kadi Caad.
Prélude link
