Niger, luural ina jokki hakkunde ardiiɓe laamu faddewu nguu e heertorɓe sariya leydi ndii. Ko ɗum saabi hannde, fedde seendika awokaaɓe leydi ndii (SAMAN), fusaande e nder yontere faltiinde nde, fuɗɗiima woppere golle nde aldaa e happu. Sabu ɗum ko fedde ina naamnii artigol Bagna Abdoul Nasser, jaltinaaɗo e nder sariyankooɓe leydi ndii e dow decret mo Abdourahmane Tiani siifi hanki. Ko Bagna Abdoul Nasser siifno wiindande ɗo senndika awokaaɓe naamini ceeral hakkunde mbawkaali laamuuji. Ɗum tawi ko awokaaɓe ɓee puɗɗiima gila hanki woppere golle nde balɗe ɗiɗi. Keɗoɗen Seidik Abba, hooreejo suudu wiindere wittooru ko faati e Sahel, ganndinɗo wonnde ko rogere aranere nde ardiiɓe laamu faddewu nguu tiindondiri.
Montée link
