Aset hannde 26 lewru 9ɓuru hitaande 2026, en njeewtat e Kabaruuji Yontere e: _Udditgol to New-York, nder Dawlaaji Dentuɗi Amerik, jonnde fedde Ngotaagu Winndere ONU. Hooreeɓe leyɗe keewɗe ɓee Afrik e woɓɓe nder winndere ndee fof kawrii ton. Antonio Gutteres kollaaɗo kuuɓal, fedde ONU ndee, ñiŋii e mum ŋakkere jullere Afrik e disndirteeɓe 5 suɓaaɓe ko faati e kisal fedde ndee, o holli wonnde ɗum haana. Jol-jole goɗɗe ɗee piraten e yeewtere men ndee, ko alhaali: _ Yaltingol wertaango dawlaaji Amerik, ɗanniiɓe ton ɗanle ɗee ɗoftaaki sariya, ɓee nawee leyɗe goɗɗe ɗee njiida hay huunde e iwde maɓɓe. Forbidden Stories, salndu witto winderiyanke nduu jaayndiyankooɓe kawri e mum, waɗii teffoore ko faati e on alhaali. E mum, ko ɓuri ujunaaji 5 yimɓe nawaama leyɗe goɗɗe ɗoo ɓee njeyaaka. Ma en kaala kaddin e: _Nigeria, wonannde teffoore fedde ndee wona laamuyankoore dariinde haɓtaade geɗe bonɗe wi’eteende PPLAAF. Ndee hollitii fotde galleeji 284 to Dawlaaji Dentuɗi Amerik taw jeyiiɗi ko ardiiɓe jooni e hiiɗɓe leydi Nigeria. Ɗiin galleeji, wonannde losngo ngoo, keɓiira ko e mbuñaari mbonndi. Caggal mum njehen to Mali. E nder ndii leydi en njeewtat, e noddaango hooreeji mayri Assimi Goyta, ko faati e kaaldigal jam e bawrital. Lulndo ngoo jaaɓtiima e mum, wonnde, ngam no laato, ina hasi taw o accita fawaaɓe ɓee junngo taw ko alhaali politik saabi ɗum.
Raamatulay JALLO jaayndeyankeejo gollanoowo hoore mum © ramatoulaye Diallo
