Talaata hannde 4 lewru 8ɓuru, yeewtere men no nawra en Cameroun, nokku to alhaali hooreejo leydi ndii jibini haalullaaji keewɗi ɗee balɗe. Yoga no lamndii to Paul Biya woni e oo saha? Holko saabii o alaaka e yi’eede? Oo hooreejo Cameroun mo duuɓi 93, ardiiɗo leydi ndii duuɓi 44 yaltuno Cameroun gila ñande 7 lewru 6ɓuru faade e Erop. Ko goo on nii e nder yaltugol Paul Biya Cameroun gila o laamii yo o waɗu lebbi ɗiɗi fow caggal leydi.Tippude e haalullaaji jaaliiɗi hannde e nder leydi ndin, René Sadi jaagorɗo Cameroun halfinaaɗo Kumpite hollii e jaaynde RFI wonnde hooreejo leydi ndin Paul Biya no wuuri, o accitaali laamu ngun e kadi o artay ko ɓooya, ɗee balɗe.
Paul Biya anndaaka to woni AP – Sunday Alamba
