Senegaal, kandidaaɓe taweteeɓe e woteeji hooreyaaku saatiiɗi ɗin anndaama e lannoode ndee yontere. Ko ɓe dawroyankooɓe 20 etotoo lomtagol Makki Sall. Ko woni tawaaka e ɓee, ko ɓee lunndiiɓe laamu ɗiɗo, ɓen ko Usmaan Sonko e Karim Waad. Si hawri ronkugol Usmaan Sonko taweede ŋalɗinaali, luuteede Karim Waad no ŋalɗini. Sabu oo ɓiɗɗo Abdullaay Waad, hooreejo leydi kiɗɗo Senegaal, hari hino tamƴinii tawnoreede sabu o yaafanaama jukkoore nde o fawanoo nden sabu guyaale jawdi. Kono suudu ñaawooru mawndu Senegaal hollii wonnde hari himo jogii kaydiiji holluɗi wonnde ko o ɓii leyɗe ɗiɗi. Ɗum non, hay so tawii Karim Waad hollitii wonnde o jonnitiino kaydi waɗundi mo ɓii leydi Faransi. Mbele caggal riiweede ɓee lunndiiɓe laamu ɗiɗo, Aamadu kandidaajo fedde laamu nden, no jogii fartanŋe foologol e ɗii woteeji ? Yimɓe Usmaan Sonko no jogii kandidaaɓe tato, ko holno ɓee yaarata e ɗii woteeji ? Koɗo men hannde ko Elhajj Seydu Nuuru Jah, jaayndeyankoojo, taskotooɗo kabaaruuji dawro. Himo jaaboo lamnde Ibrahiima Timmbi Bah.
Elhajj Seydu Nuuru JAA, jaayndeyankeejo © RFI FULFULDE
