Fitnaaji jihaadiyankooɓe ana kuuɓi Mali, ko ɓuri duuɓi sappo oo musiiba no jaalii. Burkina Faso ko gila duuɓi jeetati. E ɗum, ko waldaa e warngooji siwilɓe, konunkooɓe e eggudu yimɓe ujune e ɗee leyɗe ɗiɗi, ko foti gure 50 no uddaa. Uddere nde fedde jihaadiyankooɓe noddirteende JNIM waɗi. Uddere ɗee Gure ana waddi tiiɗallaaji mawɗi. Yaha, ngarta no haɗaa. Jannde, cellal, jaagu, kala ko haani wonude golle ana yaari caggal. Ko ɓuri fuu tampinde, yo rafi nguure. Nde wonnoo, ɗum waddii heyɗere (heege) ƴaɓɓitiinde e yoga e nokkuuje ɗee. Ndee heyɗere waddii ñawuuli ngonɗi sabu yimɓe maayde. Holno nguurndam woniri e ley ɗee gure uddaaɗe Mali e Burkina Faso ? Keɗoɗen ndee jantoore mawnde Abdullay DIKKO.
Burkina Faso. © RFI
