Gine caggal jonte tati nde marirde karbirannde sumi, kufure yeeso estasiyonji ɗin fii ɗaɓɓugol karbiran ɗuytike, e nokkeeli goɗɗi ɗum accii. Ko woni sabu ɗum ko laana ronndiika miliyonji 33 esansi hewtii ka poor Konakiri e aljuma 12 lewuru tawde ɓalɗe feƴƴude gaaswal addaama. Jooni estasiyonji ɗin heɓii karbiran. Huunde ɗuytunde tampere gineenaaɓe. Annditin marirde kuɓɓam Gine fettuno e jemma 17 lewru 12 ɓuru 2023 Kaloum kapital Konakiri. E bi’ol guwerneman on yimɓe 25 maayi, 456 barmi, piiji buy bonii. Mammadu Aadama Jallo.
Saakitaama ñannde : 15/01/2024 – 19:05
Gine; estasiyon © Tenema DOUMBOUYA/ RFI MANDENKAN
