Senegaal, ko hannde waɗata balɗe tati e njillu ngu ɓalɗe joyi Bassirou Diomaye Faye, hooreejo leydi ndii, toon to Casamance, senngo worgo leydi ndii. Nguu njillu, ko ngam ƴeewtaade tolno eɓɓooje ngam artirde jam e ngal diiwal e ferande ngal laawol ɓamtaare. Hooreejo leydi ndii ƴettii konngol hanki to wuro wiyateengo Nyassia, e nder diiwaan Ziguinchor, ngam noddude ɓiɓɓe diiwaan oo e murtuɓe jogiiɓe kaɓorɗe artirde jam ngam huccande ɓamtaare diiwaan oo. Ɓee murtuɓe ina tawee toon ko ina abbo hannde e duuɓi cappanɗe nayi. Yoga e ɓiɓɓe Nyassia kollii kadi wonnde woni yiɗde maɓɓe ko laatagol jam e nder Casamance.
Jaŋtoore Bookara Taal.
Début link
