Mali: Gila alkamisaare kiikiiɗe haa beete aljumaare hanki, jaggondiral (tiindondiral) waɗii hakkunde murtuɓe CSP-DPA e konu Mali e wallidiiɓe mum Wagneer. Ɗii fitnaaji ana ngoodi e seraaji Tinzawateen e ley diiwal Kidal funnaange leydi ndii, nokku ɗo woɗɗaa keerol Aljeriya e Mali. E bi’ol bayyinaango konu leydi ndi, ɓe mayiraama konukooɓe ɗiɗo e kadi woodi sappo woɓɓe gañiiɓe. Ɓe wi’ wonnde murtuɓe ɓee, mayiraama ko ana abboo yimɓe 20. Kono Mohamed Elmawluud Ramadaan, ƴettoowo konngol e inndi CSP-DPA, o anndinii wonnde, e nder jaggondiral maɓɓe ngal, konu Mali nguu, mayiraama heewɓe. Boli BA
Saakitaama ñannde : 27/07/2024 – 16:06
Konunkoojo jeyaaɗo fedde jeytaare Azawad, jeyaaɗo e fede CMA, Kidal ñannde 28lewru 8 ɓuru 2022. [natal yeru] © Souleymane Ag Anara / AFP
