Caad, Olivier Monodji, hooreejo jaaynde wiyeteende « Le Peuple » e nultondiraado RFI, e wondiiɓe mum woppitaama talaata hanki e dow yamiroore suudu ñaawirdu toowndu N’Djamena, tawi o woppitiraa ko ŋakkere daliilu. Ɓen jaayndiyankooɓe ñaawaama sabu golludude e leyɗe janane, no jeya e majje Russie. Caggal nde o heddi e nder kaso ko ɓuri lebbi nayi, Olivier Monodji e wondiiɓe mum ndarnaama ko ina laabi tati e yeeso ñaawooɓe ɓee. Ko e alarbaare hanki suudu nduu joofni pilol ngol. Porokurerjo oo lamndino yo ɓe sokee duubi ɗiɗi kaso. Awokaajo Olivier Monodji ina anniyii wadde wullitande. Me Djiliam MADJITA no e faandu haala nultondiraado men Njdamena Ousmanou Bello.
Naissance link
