Tchad, ciifondiral jam e nanondiral waɗii hakkunde leñol Ngambaye e Fulɓe diiwaan hirnaange Logone. Ngal nanondiral sifaa ko to Mandakao, ñande 5 nduu lewru. Ngal hollaama hooreejo jaagorɓe leydi ndii talaata hecci-hanki, ñande 8 nduu lewru. Faandaare ngal nanondiral, ko dartinde fitinaaji e artirde jam caggal warngooji teskanooɗi e nder wuro Mandakao e lewru 5ɓuru e ndee hitaande. Ɗiin fitinaaji ngaddiino caɗeele jokkondiral hakkunde leƴƴi, kadi yimɓe cappanɗe e cappanɗe mbaasi heen pitaali maɓɓe, heewɓe kadi mbarmi.
Abdullaay Jallo
Racine link
