Yewtere men hannde e alarba ñannde 29, 5ɓuru no nawra en Koddiwar, taskoɗen ko faati e alhaali dawro leydi ndii. Taw si Alasaan Waatara townan honndu fii happu laamu nayaɓu? Ko lamngal ngal ɗuuɗuɓe habbii jaabawol mum hannde tentinii gila feddeeɓe RHDP, (fedde dawro makko) feññini e altine feƴƴunde faale maɓɓe yo oo hooreejo Koddiwaar tawtore e ƴamooɓe lefol laamu e suɓungo saatiingo e hitaande 2025. E bi’ol ƴettoowo konngol e innde RHDP fedde laamuyankoore, ko Alasaan Waatara ɓe suɓii ko wona kanndida maɓɓe. O wi’i wonnde Waatara gollii sanne e nder laamu makko, o ɓamtii leydi ndii. Kono haa hannde hooreejo leydi ndii anndinaali si o jaɓan ngal ƴaamal. Siftinnde wonnde Alasaan Waatara holluno e hitaande 2020 wonde o accanan darnde makko nden sukaaɓe ɓen ko lomtoo mo.Ko holno taskorɗon ngal pellital RHDP ?Taw si Alasaan Wattara mo duuɓi 82, jaɓan townude honndu e suɓngo hooreyaaku saatiingo?Ko holɗum tawtoreede Alasaan Waatara e ƴamooɓe lefol laamu battinnta e alhaali dawro e renndo Koddiwaar?
Alasaan Waatara, hooreejo Koddiwaar REUTERS/Thierry Gouegnon
Hiɗon waawi neldude men lamndal ngal yiɗuɗon yo men jaabo e guurol. Okkee miijo mon e ndee toɓɓere ka tongoode watshapp : 00221766441280.Heɗee jeewte soit fow ka kelle soit Facebook e Twitter: RFI FULFULDEOn Tottaama Konngol ko ñalaande kala gila njamndi 13:15 faa 13:30 (GMT).
