Senegaal, suudu toppitiindu reenugol doosngal ngal yedii hanki pellital yowitiingal e dirtingol subngooji hooreyaaku leydi ndin. Ko ɗum saabinoo seppooji haa yimɓe tato waasi pittaali maɓɓe. Ñaawooɓe ndun suudu hollitii wonde sariya wotaaɗo ka suudu sarɗinkooru ñannde jowi lewru ɗiɗaɓuru ɗoftaaki ɗosgal leydi ndin. Kanndidaaɓe e ɗin subngooji wullitoyno ka suudu ñaawirdu mawndu. Abdullaay JALLO
Saakitaama ñannde : 16/02/2024 – 11:29
1 mintj
Nduu suudu ñawirndu toowndu wi’eteendu « konseil konstitutionel » riwii kadi hanki dekere mo Makki SALL, mo hooreejo leydi ndin, ƴettuno ngam dartinde ñalaande woote toɗɗorɗe hooreejo leydi. Sabu ñaawooɓe ndun suudu hollitii wonde eɓɓoore sariya mo sardiyankooɓe ɓen wootuno ñannde jowi nduu lewru ɗoftaaki doosngal ngal. Kono ko yowitii e ñalaande subngooji ɗin suudu ndun yamirii e nder hollitol ngol ɓe ɓanngini dawriyankooɓe e binette sosiyete siwil tummbondiran yewta ngam ɓe darna ñalaande hesere ko ɓuri e yaawde. Sabu e bi’ol maɓɓe ñannde noogay e jowi nduu lewru subngooji hooreyaaku leydi waawata heƴuude ɗoo e on tuma.E siftinde kanndidaaɓe lunndiiɓe wullitoyno ka suudu ñaawirdu toowndu caggal nde sardiyankooɓe ɓen wooti eɓɓoore sariya dirtinaynde subngooji ɗin. Caggal on dekere Lémurien Sall. Ɗum wonunoo sabaabu seppooji e nder leydi ndin haa seppooɓe tato waasi pittaali maɓɓe.
